آئی جی خیبرپختونخواہ کا پشاورمیں اسکولوں کا خصوصی دورہ -
The news is by your side.

Advertisement

آئی جی خیبرپختونخواہ کا پشاورمیں اسکولوں کا خصوصی دورہ

پشاور: آئی جی خیبر پختونخواہ کا کہنا ہے کہ دہشت گردی کے خلاف جنگ ہرحال میں جیتیں گے وہ پشاورمیں اسکولوں کی سیکیورٹی کی خاطر کئے گئے انتظامات کا جائزہ لے رہے تھے۔

تفصیلات کے مطابق آئی جی خیبر پختونخواہ ناصردرانی نے موسمِ سرما کی تعطیلات کے بعد کھلنے والے اسکولوں میں کئے گئے سییکیورٹی انتظامات کا جائزہ لیا۔

انہوں نے اسکولوں کی چار دیواری اور اسکولوں کے قریب بنائی گئی چوکیوں کا خصوصی معائنہ کیا اوراس موقع پر طالب علموں سے گفتگو کرتے ہوئے انہوں نے کہا کہ’کسی بھی مشکوک شے یا شخص کی موجودگی کی اطلاع فوری طور پراپنے اساتذہ کو دیں‘۔

اس موقع پرمیڈیا سے گفتگو کرتے ہوئے ان کا کہناتھا کہ دہشت گردی کے خلاف جنگ میں 1200 اہلکار شہید ہوچکے ہیں اورمزید شہید ہونے کو تیارہیں۔

آئی جی ناصردرانی نے مزید کہا کہ ہمارے جوان باہمت ہیں اوران کے حوصلے بلند ہیں، دہشت گردی کے خلاف جنگ ہرحال میں جیتیں گے۔

آرمی پبلک اسکول پشاوربھی مرمت اوربحالی کے عمل سے گزرنے کے بعد طلبہ وطالبات کے لئے کھول دیا گیا ہے۔

Comments

comments

یہ بھی پڑھیں