آئی سی سی نے ون ڈے کی نئی رینکنگ جاری کردی -
The news is by your side.

Advertisement

آئی سی سی نے ون ڈے کی نئی رینکنگ جاری کردی

دبئی: آئی سی سی نے ون ڈے کی نئی رینکنگ جاری کردی، بولرز رینکنگ میں مچل اسٹارک نے سعیداجمل سے پہلی پوزیشن چھین لی۔

ورلڈ کپ ختم ہوتےہی آئی سی سی نے نئی رینکنگ کا اعلان کردیا، ورلڈ چیمپیئن آسٹریلیا نے پہلی پوزیشن مزید مستحکم کرلی، بھارت دوسرے اور جنوبی افریقہ تیسرے نمبر پر ہے، رنز اپ ٹیم نیوزی لینڈ چوتھے نمبر پر موجود ہے، گرین شرٹس پچانوے پوائنٹس کے ساتھ ساتویں نمبر پر براجمان ہے۔

 بولرز رینکنگ میں ورلڈ کپ کے بہترین کھلاڑی مچل اسٹارک نے سعیداجمل سے پہلی پوزیشن چھین لی، لیگ اسپنر عمران طاہر نے دوسری پوزیشن پر قبضہ جمالیا ہے،دنیائے کرکٹ سے دور سعیداجمل دو درجے تنزلی کے بعداب تیسرے نمبر پر چلے گئے ہیں۔

بیٹسمینوں کی رینکنگ میں اے بی ڈی ویلئرز کی حکمرانی قائم ہے، کمار سنگاکارا دوسرے اور ہاشم آملہ کا تیسرا نمبر ہے، ٹاپ ٹین بلے بازوں میں کوئی پاکستانی کھلاڑی موجود نہیں، جبکہ پاکستان کے سابق کپتان مصباح الحق کا کیرئیر بارہویں پوزیشن پر اختتام پذیر ہوگیا۔

Comments

comments

یہ بھی پڑھیں