site
stats
کھیل

آئی سی سی نے ون ڈے کی نئی رینکنگ جاری کردی

دبئی : آئی سی سی نے ون ڈے کی نئی رینکنگ جاری کردی ہے، جنوبی افریقہ نے آسٹریلیا کو پیچھے چھوڑتے ہوئے پانچ سال بعد رینکنگ میں قبضہ جمالیا۔

آئی سی سی نے نیوزی لینڈ اور جنوبی افریقہ کے درمیان تین میچز کی سیریز کے اختتام پر ون ڈے کی نئی رینکنگ جاری کی ہے، کیویز کے خلاف سیریز میں دو صفر سے کامیابی نے پروٹیاز کو پانچ سال بعد عالمی درجہ بندی میں ٹاپ پر پہنچادیا ہے۔

رینکنگ میں آسٹریلیا ایک درجہ تنزلی کے بعد دوسرے نمبر پر چلا گیا ہے۔ عالمی چیمپئین بھارت تیسرے نمبر پر موجود ہے، پاکستان کا اٹھانوے پوائنٹس کے ساتھ چھٹا نمبر ہے۔ بیٹسمینوں میں جنوبی افریقہ کے اے بی ڈولئیرز بدستور پہلی پوزیشن پر براجمان ہیں۔

ٹاپ ٹین بیٹسمینوں میں کوئی پاکستانی شامل نہیں ہے۔ بولرز رینکنگ میں پاکستان کے سعید اجمل کی پہلی پوزیشن برقرار ہے، آل راؤنڈر رینکنگ میں محمد حفیظ کا پہلا نمبر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top