آج اشفاق احمد کی دسویں برسی منائی جارہی ہے -
The news is by your side.

Advertisement

آج اشفاق احمد کی دسویں برسی منائی جارہی ہے

آج اردو اور پنجابی کے نامور ادیب، افسانہ و ڈرامہ نگار، دانشور، براڈ کاسٹر اور صوفی  اشفاق احمد کی دسویں برسی ہے،اشفاق احمد 22 اگست 1925ء کو مکتسر ضلع فیروز پور میں پیدا ہوئے تھے۔

انہوں نے دیال سنگھ کالج اور اورینٹل کالج لاہور میں تدریس کے فرائض انجام دیئے، داستان گو اور لیل و نہار نامی رسالوں کے مدیر رہے اور 1966ء سے 1992ء تک اردو سائنس بورڈ کے ڈائریکٹر جنرل رہے، ان کے افسانوی مجموعے ایک محبت سو افسانے، اجلے پھول، سفر مینا، پھلکاری اور سبحان افسانے کے نام سے شائع ہوئے۔

انہوں نے 41 برس تک ریڈیو کے مشہور ڈرامہ سیریل تلقین شاہ اسکرپٹ بھی لکھا اور اس میں صداکاری بھی کی، اشفاق احمد نے پاکستان ٹیلی وژن کے لئے متعدد کامیاب ڈرامہ سیریلز تحریر کئے۔ حکومت پاکستان نے انہیں صدارتی تمغہ برائے حسن کارکردگی ، ستارہ امتیاز اور ہلال امتیاز عطا کیے تھے ، 7ستمبر 2004ء کو اشفاق احمد لاہور میں وفات پاگئے اور ماڈل ٹاﺅن کے قبرستان میں آسودہ خاک ہوئے ۔

Comments

comments

یہ بھی پڑھیں