site
stats
اہم ترین

امریکی دفتر خارجہ اپنا بیان واپس لیں، عمران خان

اسلام آباد: تحریک انصاف کے سربراہ عمران خان  نے آزادی مارچ کے شرکاء سے خطاب کرتے ہوئے کہا کہ کہ آج قوم کےامتحان کا دن ہے،کارکن دھرنے میں پہنچیں،  وہ وزیراعظم نوازشریف کے استعفے کے بغیرواپس نہیں جائیں گے۔

عمران خان نے خطاب میں کہا کہ آج آپ امتحان میں پاس ہوگئے تو نئے پاکستان کو بننے سے کوئی نہیں روک سکتا۔

عمران خان نے ہر شہر سے کارکنوں کو باہر نکلنے کی ہدایت کردی، عمران خان نے کہا کہ کچھ بھی ہو مقابلہ کریں گے، حکومت نےضمیرکی بات سننےوالےآئی جی کوتبدیل کردیا۔ چیئرمین عمران خان نے کہا کہ کہ اگر کسی نے کارکنوں پر گولی چلائی توسب پہلے آئی جی کی گردن پکڑوں گا۔

اسلام آباد میں آزادی مارچ کے شرکاء سے خطاب کے دوران عمران خان نے کہا کہ اللہ نے مجھے سب دے رکھا ہے مجھے کسی جگہ پروٹوکول کی ضرورت نہیں ، انھوں نے کہا کہ شریف برادرن بزدل ترین لوگ ہیں جو پولیس کو اپنی کرسی بچانے کے لئے استعمال کررہے ہیں۔

عمران خان نے کہا کہ پارلیمنٹ میں مجرم بیٹھے ہیں ،یہ قوم انھیں اپنا رہنما نہیں مانتی، آزادی کے لئے قربانیاں دینی پڑتی ہیں۔

عمران خان نے امریکی وزیرِ خارجہ رچرڈ اولسن کو مخاطب کرتے ہوئے کہا کہ امریکہ ہمارے اندرونی معمالات میں دخل اندازی کر رہا ہے  رچرڈ اولسن بتائیں کیا آپ کے لئے الگ جمہوریت اور ہمارے لئے الگ جمہوریت ہے ؟ آپ کے لئے الگ قانون ہمارے لئے الگ قانون ہے؟ انہوں نےامریکی دفتر خارجہ کو کو کہا کہ اپنا بیان واپس لیں ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top