site
stats
اہم ترین

آج پاکستان سمیت کئی ممالک میں عید الفطر منائی جارہی ہے

آج پاکستان سمیت کئی ممالک میں عید الفطر مذہبی جوش و جذبے اور نہائیت مذہبی عقیدت و احترام کے ساتھ  منائی جا رہی ہے، نماز عید کے بڑے بڑے اجتماعات منعقد ہوئے اور پاکستان کی سلامتی بقا اور خوشحالی کے دعائیں مانگی گئیں۔،

ملک بھر میں نماز عید کے روح پرور اجتماعات منعقد ہوئے، جن میں علما اور خطیبوں نے امت مسلمہ کے اتحاد و یکجہتی پر زور دیا اور کہا کہ دہشت گردی، شدت پسندی اور انتہا پسندی کی اسلام میں کوئی گنجائش نہیں ہے کیونکہ اسلام تو امن و محبت اور اخوت کا درس دیتا ہے، نماز عید کے اجتماعات میں اہم شخصیات کے علاوہ بڑی تعداد میں بزرگوں، جوانوں اور بچوں نے شرکت کی۔

عید الفطر کےموقع پروزیراعظم نوازشریف اور صدر مملکت ممنون حسین سمیت ملک بھر کی ممتاز شخصیات نےعیدالفطر پر قوم کو مبارکباد پیش کی ہے، صدر مملکت نےقوم کے نام اپنےپیغام میں کہا کہ عید کی خوشیوں میں شمالی وزیرستان کے متاثرین کو بھی یاد رکھیں، عیدالفطر کا مقصد لوگوں کےدرمیان محبت کو بڑھانا ہے۔

ایم کیو ایم کےقائد الطاف حسین نے پاکستان سمیت دنیا بھر کے مسلمانوں کو عید الفطر کی دلی مبارک باداپنے پیغام میں ان کا کہنا تھا کہ عید الفطر کا تہوار مسلمانوں کیلئے اللہ تعالیٰ کاتحفہ ہے،دنیا بھر کے مسلمان عید کی خوشیوں میں مشکلات و ظلم کا شکار اپنے بھائیوں کو بھی یاد رکھیں اور بے سہاراوٴں، یتیموں ، بیواوٴں ، مظلوموں ،کو اپنی عید کی خوشیوں میں شریک کریں، مسلم لیگ فنکشنل کےرہنما، وزیراعلیٰ سندھ سید قائم علی شاہ اور گورنر سندھ ڈاکٹر عشرت العباد کی جانب سے بھی اہل وطن کو عید الفطر کی مبارکباد دی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top