The news is by your side.

Advertisement

آرمی چیف جنرل راحیل شریف کی والدہ انتقال کرگئیں

آرمی چیف جنرل راحیل شریف کی والدہ انتقال کرگئیں، آئی ایس پی آر کے مطابق مرحومہ کی نمازِ جنازہ چکلالہ میں ادا کی جائےگی۔

پاک فوج کے سپہ سالار جنرل راحیل شریف کی والدہ دل کا دورہ پڑنے سے انتقال کر گئیں، ڈی جی آئی ایس پی آر میجر جنرل عاصم سلیم باجوہ نے اپنے ٹویٹر پیغام میں بتایا کہ آرمی چیف جنرل راحیل شریف کی والدہ اسپتال میں زیرِ علاج رہنے کے بعد دل کا دورہ پڑنے سے انتقال کر گئیں۔

مرحومہ طویل عرصے سے علیل اور اے ایف آئی سی راولپنڈی میں زیرِعلاج تھیں۔

ڈی جی آئی ایس پی آر کے مطابق آرمی چیف کی والدہ کی نمازِ جنازہ بعد نمازِ ظہر چکلالہ گیریژن میں ادا کی جائے گی اور تدفین عصر کے بعد کیولری گراؤنڈ لاہور میں ہوگی۔

وزیر اعظم نواز شریف، ایم کیو ایم کے قائد الطاف حسین، وزیر داخلہ چوہدری نثار، امیر جماعت اسلامی سراج الحق سمیت دیگر سیاسی قائدین نے راحیل شریف اور انکے اہل خانہ سے اظہار تعزیت کیا۔

Print Friendly, PDF & Email

Comments

comments

یہ بھی پڑھیں