The news is by your side.

Advertisement

آرمی چیف جنرل راحیل شریف کی والدہ کی نمازِ جنازہ ادا کردی گئی

راولپنڈی: آرمی چیف جنرل راحیل شریف کی والدہ کی نمازِ جنازہ راولپنڈی چکلالہ گیریژن میں ادا کردی گئی۔

آرمی چیف کی والدہ کی نمازِ جنازہ میں اعلیٰ عسکری ، سیاسی اور سماجی شخصیات نے شرکت کی، جنرل راحیل شریف کی والدہ عارضہ قلب میں مبتلا تھیں اور آرمڈ فورسز انسٹی ٹیوٹ آف کارڈیالوجی راولپنڈی میں زیرِ علاج تھیں۔

ہفتے کی صبح حرکت قلب بند ہونے کے باعث انتقال کر گئیں۔

نمازِ جنازہ میں صدر ممنون حسین ، وزیردِفاع خواجہ آصف، گورنر بلوچستان محمد خان اچکزئی، وزیرِ داخلہ چوہدری نثار،عبدالقادر بلوچ ، صدر آزاد کشمیر سردار محمد یعقوب، اور سابق وزیرِاعظم ظفر اللہ جمالی نے شرکت کی۔

ایئرچیف مارشل طاہر رفیق بٹ، نیول چیف ایڈمرل ذکا اللہ کی چیئرمین جوائنٹس چیفس آف اسٹاف کمیٹی جنرل راشد محمود بھی نمازِ جنازہ میں شریک تھے۔

Print Friendly, PDF & Email

Comments

comments

یہ بھی پڑھیں