فلوریڈا: آرمی چیف جنرل راحیل شریف اور امریکی سینٹرل کمانڈکےکمانڈرجنرل آسٹن نے افغانستان میں قیام امن کیلئےمشترکہ کوششوں پراتفاق کرلیا۔آرمی چیف نے فلوریڈا میں امریکی سینٹ کام کادورہ کیا اورجنرل آسٹن سے ملاقات کی۔
پاک فوج کے سربراہ جنرل راحیل شریف نے فلوریڈا میں امریکی سینٹرل کمانڈر کے ہیڈکوارٹرزکادورہ کیا اور جنرل آسٹن سے ملاقات کی ملاقات میں پاکستان اورافغانستان میں شدت پسندوں کے خلاف جاری کوششوں اور افغانستان سے امریکی فوج کے انخلاءپرتبادلہِ خیال کیاگیا۔
جنرل راحیل شریف اورجنرل لائیڈ آسٹن نے افغانستان میں امن قائم کرنے کے لیے مشترکہ کوششوں پر اتفاق کیاجنرل آسٹن نے آپریشن ضربِ عضب پرپاک فوج کی کامیابیوں کوسراہا۔
آرمی چیف جنرل راحیل شریف امریکی فوج کے سربراہ جنرل مارٹن ڈیمپسی دعوت پرامریکا کے سات روزہ دورے پرہیں۔ ڈی جی ملٹری آپریشنز اورڈی جی آئی ایس پی آر بھی آرمی چیف کے ساتھ ہیں۔ اپنے دورے کے دوران پاک فوج کے سربراہ امریکی وزیر دفاع چک ہیگل،اوباماکی قومی سلامتی کی مشیرسوزین رائس اورارکین کانگریس سے بھی ملیں گے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
