site
stats
اہم ترین

آرمی چیف کی امریکی وزیرِخارجہ سے ملاقات

راولپنڈی: امریکی وزیرِخارجہ جان کیری نےآرمی چیف جنرل راحیل شریف سے  جنرل ہیڈ کوارٹر میں ملاقات کی ہے۔

آئی ایس پی آر کی جانب سے جاری کردیا اعلامیہ کے مطابق دونوں شخصیات نے اسلام آباد میںملاقات کی جس میں خطے میں درپیش سیکیورٹی کے مسائل سمیت دو طرفہ باہمی دلچسپی کے امورپر تبادلۂ خیال کیا۔

اس موقع پرآرمی چیف نے امریکی وزیرِخارجہ کو دہشت گردوں کے خلاف جاری آپریشن ضربِ عضب میں حاصل ہونا والے کامیابیوں سے آگاہ کیا۔

جان کیری نے آپریشن ضرب عضب میں ہونے والی کامیابیوں کو سراہا اوردہشت گردی کے خلاف جنگ میں پاک فوج کے عزم کی تعریف بھی کی۔

دونوں شخصیات نے اس موقع پر افغانستان سمیت خطے میں سیکیورٹی کی خصوصی صورتحال پر بھی تبادلۂ خیال کیا۔

 ملاقات سے قبل جان کیری نے یادگارِ شہداء پرحاضری دی اور پھول چڑھائے۔اس موقع پر انہیں گارڈ آف آنر بھی پیش کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top