site
stats
پاکستان

آزادی اور انقلاب مارچ روکنے کیلئے حکومت کی حکمت عملی تیاری

اسلام آباد: تحریک انصاف اور منہاج القرآن کے مارچ روکنے کے لئے حکومت نے حکمت عملی تیاری کرلی ہے، اسلام آباد میں خندقیں کھودی جارہی ہیں، ایف سی کے تین ہزار اہلکاروں سمیت سیکورٹی فورسز کی بھاری نفری طلب کرلی گئی۔

آزادی اورانقلاب مارچ کی کال نےحکومتی ایوانوں نے ہل چل مچا رکھی ہے، مارچ کے شرکاء کو روکنے کیلئے اسلام آباد اور راولپنڈی کے راستے سیل کرنے کا عمل شروع ہے، تمام داخلی و خارجی راستوں پر کنٹینرز پہنچا دیئے گئے ہیں، بیشتر راستے سیل کئے جا چکے ہیں۔

شہریوں کے مطابق جی ٹی روڈ سے پشاور اور پنجاب کی طرف سے لوگوں کو اسلام آباد آنے نہیں دیا جارہا اورغیر ضروری پوچھ گچھ کی جارہی ہے، جس سےعوام کوشدید پریشانی کا سامنا ہے۔

دارالحکومت کی اہم شاہراہوں پر بھاری مشینری کی مدد سے خندقین کھود کر اُن میں پانی بھی چھوڑ دیا گیا ہے تاکہ راستےعبور کرنا ممکن نہ رہے، اطلاعات کے مطابق اکثر مقامات پر پنجاب اور آزاد کشمیر سے منگوائی گئی پولیس کی اضافی نفری تعینات کردی گئی ہے، چند حساس مقامات پر رینجرز کو لگایا گیا ہے۔

ریڈ زون میں مانیٹرنگ کے لئے کیمرے بھی نصب کئے گئے ہیں، جڑواں شہروں میں پولیس اور رینجرز کا مشترکہ گشت بھی کیا جارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top