site
stats
پاکستان

آزادی مارچ: تحریک انصاف کی بی این پی کو شرکت کی دعوت

لاہور: تحریک انصاف نے بی این پی مینگل کو آزادی مارچ میں شرکت کی دعوت دے دی ، شاہ محمود قریشی کا کہنا ہے کہ قومی اسمبلی سے استعفوں کا اختیار عمران خان کو دے دیا گیا ہے۔

تحریک انصاف کے سربراہ عمران خان نے بے این پی کے رہنما سردار اختر مینگل سے ٹیلی فون پر رابطہ کرکے انہیں لانگ مارچ میں شرکت کی دعوت دی ۔ اخترمینگل نے انہیں آزادی مارچ میں شرکت اور حمایت کی بھرپور یقین دہانی کرائی۔

دوسری جانب تحریک انصاف کے سینئر وائس چیرمین شاہ محمود قریشی نے جماعت اسلامی کے امیر سراج الحق سے ملاقات میں انہیں لانگ مارچ میں شرکت کی دعوت دی ، میڈیا سے گفتگو میں سراج الحق کا کہنا تھا کہ جلسے جلوس کرنا تحریک انصاف کا حق ہے، اس موقع پر شاہ محمود قریشی نے کہا کہ وہ ا میر جماعت اسلامی کو آزادی مارچ میں شرکت کی دعوت دینے آئے تھےا ور مطمئن واپس جا رہے ہیں۔

اسلام آباد میں پی ٹی آئی کی پارلیمانی پارٹی کے اجلاس کے بعد میڈیا سے گفتگو میں شاہ محمود قریشی کا کہنا تھا کہ عمران خان جب چاہیں ایم این ایز کے استعفے اسپیکر قومی اسمبلی کو جمع کراسکتے ہیں، ان کا کہنا تھا کہ ملک میں ایسی کوئی صورتحال نہیں کہ آرٹیکل دوسو پینتالیس نافذ کیا جائے، حکومت سول معاملات میں فوج کو ملوث کرنے کی کوشش کررہی ہے ۔

دوسری جانب وزیر داخلہ چودھری نثار علی خان نے بھی امیر جماعت اسلامی سراج الحق سے رابطہ کر کے سیاسی صورتحال پر بات چیت کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top