آزادی مارچ کےزخمیوں اورشہیدوں کا حساب لیا جائے گا، عمران خان -
The news is by your side.

Advertisement

آزادی مارچ کےزخمیوں اورشہیدوں کا حساب لیا جائے گا، عمران خان

اسلام آباد: پاکستان تحریک ِ انصاف کے سربراہ عمران خان نے آزادی مارچ کے دھرنے کے شرکاء سے خطاب کرتے ہوئے کہا کہ وہ دن زیادہ دور نہیں ہے کہ جب 31 اگست کے زخمیوں اور شہیدوں کا حساب لیا جائے گا۔

ان کا کہنا تھا کہ میرے سامنے دو نوجوانوں کی لاشیں اٹھائیں گئیں، سینکڑوں لوگ گیس کی شدت سے پھیپھڑوں کی تکلیف میں مبتلا ہوگئے۔

انہوں نے کہا کہ مخالف سمجھتے تھے کہ یہاں موجود لوگ نازک ہیں لیکن آج دھرنے کو ایک سو آٹھ دن ہوگئے اور آج جشن منانے کا دن ہے۔

انہوں نے قوم کو وہ وقت یاد دلایا کہ جب لوگ باہرسے لوگ پڑھنے کے لئے پاکستان آیا کرتے تھے اور خطے کے دیگر ممالک پاکستان کی معاشی پالیسیوں کو اسٹدی کیا کرتے تھے۔

ان کا کہنا تھا کہ کل وہ آئندہ کے لائحہ عمل کا اعلان کریں گے اور اس کے بعد حکمرانوں کا اقتدار میں رہنا مشکل ہوجائے گا۔

Comments

comments

یہ بھی پڑھیں