آزادی مارچ ہرحال میں ہوگا،عمران خان کا چوہدری نثارکوجواب -
The news is by your side.

Advertisement

آزادی مارچ ہرحال میں ہوگا،عمران خان کا چوہدری نثارکوجواب

اسلام آباد: چودہ اگست کولانگ مارچ ہرصورت ہوگا،چوہدری نثارکےرابطے پرعمران خان نےدو ٹوک جواب دےدیا، جبکہ شیریں مزاری کا کہنا ہے کہ دونوں رہنماؤں میں کوئی رابطہ نہیں ہوا۔

حکومت کی تمام ترکوششیں کپتان کو پویلین نہ بھیج سکی بالاخر وفاقی وزیرداخلہ نے گیند سنبھالی اور کپتان کو دوستی کی گگلی سے آؤٹ کرنے کی کوشش کی، چوہدری نثار نے ٹیلفونک رابطے میں عمران خان خان سے لانگ مارچ سے متعلق بات کی۔

پاکستان کے لئے ورلڈ کپ جیتنے والے کپتان نے وزیرداخلہ کی گگلی کو خوبصورت اندازمیں کھیلتے ہوئے باؤنڈری کی راہ دکھائی اور اپنے فیصلے پر ڈٹے رہے۔عمران خان نے دوٹوک الفاظ میں کہاچودہ اگست کو مارچ ہرصورت میں ہوگا۔

دوسری جانب پاکستان تحریک انصاف نے عمران خان اور وزیر داخلہ چو ہدری نثار کے درمیان ہو نے والے راطبے پر لاعلمی ظاہر کی ہے شیری مزاری نے دونوں رہنماؤں کے درمیان کسی قسم کے رابطے کی تردیدکی ہے،ان کا کہنا تھا کہ کوئی بیک ڈور چینل ہے نہ عید کے بعد سے آج کے دن تک حکومت سے کوئی رابطہ ہوا۔

تاہم چیف آزادی مارچ سیف اللہ کا کہنا ہے عمران خان اورچوہدری نثار میں رابطہ معمول کی بات ہے وہ اچھے دوست ہیں، دونوں کے درمیان رابطے پرانی بات ہے،انھوں نے کہالانگ مارچ کی تیاری مکمل ہیں، آزادی مارچ ہرحال میں ہوگا۔

Comments

comments

یہ بھی پڑھیں