site
stats
اہم ترین

آزاد کشمیر: مسافر وین کھائی جا گری، تیرہ مسافر جاں بحق، کئی زخمی

مظفرآباد: آزاد کشمیر کے علاقے باغ میں مسافر وین کھائی میں گِرگئ اور اس  حادثے میں تیرہ مسافر جاں بحق اور دیگر کئی زخمی ہوگئے ہیں جن میں سے چند کی حالت نازک بتائی جارہی ہے۔

ڈرائیورکی غفلت اور تیزرفتاری بعض اوقات کئی جانوں کو لے ڈُوبتی ہے۔ آزاد کشمیرکےعلاقے باغ میں بھی ایسا ہی جان لیوا حادثہ پیش آیا۔ سدن گلی سے راولپنڈی جاتے ہوئے مسافرکوچ  آزاد کشمیرکے علاقے باغ میں ارجا کے مقام پرکھائی میں جاگری۔

  ریسکیو کی ٹیموں نے موقع پرپہنچ کر زخمیوں کو فوری ڈی ایچ کیو اسپتال منتقل کردیا گیا۔ ڈاکٹروں کا کہنا ہے کہ زخمیوں میں سے  آٹھ افراد کی حالت تشویشناک ہے جنہیں انتہائی نگہداشت وارڈ میں منتقل کردیا گیا ہے پولیس ذرائع کے مطابق حادثہ تیزرفتاری کے باعث پیش آیا۔۔

آزاد کشمیر سمیت پاکستان میں ہر سال سولہ ہزار افراد ٹریفک حادثات کی بھینٹ چڑھ جاتے ہیں۔۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top