کیپ ٹاؤن: سرفنگ کے دلدادہ ٹی وی پر لائیو شو دیکھنے کے دوران دہشت زدہ ہوگئے جن آسٹریلوی سرفر شارک کے حملے سے بچ نکلا۔
تفصیلات کے مطابق ساؤتھ افریقہ کے مشہور ساحل جیفریز بے میں ورلڈ سرف لیگ کا مقابلہ ہورہا تھا جسے ٹی وی چینل پر براہ راست دکھایا جارہا تھا۔
مقابلے کے دوران آسٹریلوی سرفرمک فیننگ جو کہ مقابلے میں شریک تھے ایک خونخوار شارک ان کی پشت پرآگئی۔
مک فیننگ نے انتہائی سمجھداری کا مظاہرہ کرتے ہوئے خود کو سرفنگ بورڈ کی آڑ لے کر بچایا اور پھر اسے بورٖڈ سے شارک پر حملہ کرتے ہوئے ان سے دور جانے پر مجبور کردیا۔
اس سارے واقعے میں فیننگ حیرت انگیزطور پربالکل محفوظ رہے لیکن سرفنگ کا مقابلہ پورے دن کے لیے منسوخ کردیا گیا۔
واضح رہے شارک جب اپنے شکار سے ایک مخصوص فاصلے تک پہنچ جاتی ہے تو اس خونخوار آبی حیات کے نوکیلے جبڑوں سے بچ نکلنا کسی بھی جاندار کے لئے تقریباً ناممکن ہوتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں