The news is by your side.

Advertisement

مائیکل کلارک کا ون ڈے کرکٹ سے ریٹائر ہونے کا فیصلہ

میلبورن : آسٹریلوی کپتان مائیکل کلارک نے ورلڈ کپ فائنل کے بعد ون ڈے کرکٹ سے ریٹائر ہونے کا فیصلہ کرلیا ہے۔

چار مرتبہ کی سابق عالمی چیمپئن آسٹریلیا اور نیوزی لینڈ کی ٹیمیں کل فائنل میں ٹکرائیں گی، یہ فائنل آسٹریلوی کپتان مائیکل کلارک کے کیرئیر کا آخری ون ڈے ہوگا۔

میلبرن کرکٹ گراؤنڈ میں میڈیا سے بات کرتے ہوئے کلارک کا کہنا ہے کہ یہ ایک بہترین موقع ہے کہ وہ اپنے ون ڈے کریئر کا اختتام کر دیں انھوں نے کہا کہ ورلڈ کپ کا فائنل ان کا آخری ایک روزہ میچ ہوگا، انھوں نے کہا کہ وہ اب فائنل کے بعد ساری توجہ ٹیسٹ کرکٹ پر دیں گے۔

مائیکل کلارک نے کہا کہ ورلڈ کپ فائنل پر ان کی توجہ ہے، یہ ٹیم کے لیے بڑا موقع ہے اور مجھے  یقین ہے کہ آسٹریلوی ٹیم بہترین پرفارم کرکے عالمی چیمپئن بن سکتی ہے۔

کلارک نے کہا کہ آسٹریلوی ٹیم کی قیادت ان کے لیے اعزاز ہے، وہ خوش قسمت رہے کہ انہیں اپنے ملک کے عظیم کھلاڑیوں کے ساتھ کھیلنے کا موقع ملا۔

کلارک نے 244 ون ڈے انٹرنیشنل میچوں میں آسٹریلیا کی نمائندگی کرتے ہوئے آٹھ سنچریوں اور57 نصف سنچریوں کی مدد سے7907 رنز بنائے، انہوں نے 73 ون ڈے میں قیادت کی جن میں سے49 جیتے۔

.ورلڈکپ کا فائنل کلارک کا دو  سو  پینتالیسواں اور کیرئیر کا آخری میچ ہوگا
۔

Print Friendly, PDF & Email

Comments

comments

یہ بھی پڑھیں