آسٹریلیا’مہاتما بدھ کا چوری شدہ مجسمہ‘بھارت کے حوالے کرنے پررضا مند -
The news is by your side.

Advertisement

آسٹریلیا’مہاتما بدھ کا چوری شدہ مجسمہ‘بھارت کے حوالے کرنے پررضا مند

کینبرا: آسٹریلوی وزیراعظم ٹونی ایبٹ نے بھارت سے چوری ہوا مہاتما بدھ کا مشہورمجسمہ بھارتی ہم منصب کے حوالے کرنے پررضامندی کا اظہارکردیا۔

نوادرات کی چوری کا یہ اہم اسکینڈل سات سال قبل سامنے آیا جب ایک بھارتی آرکیالوجیکل سائٹ سے چوری کیا گیا مقدمہ کینبرا کی نیشنل گیلری آف آرٹس میں پایا گیا۔

آرٹس گیلری کی انتظامیہ کے مطابق انہیں یہ مجسمہ آسٹریلیا کے مشہور سماجی رہنماء روز پیکرنے دیا ہے جنہوں نے نیویارک کے ایک ڈیلر سے اسے حاصل کیا تھا۔

آسٹریلوی وزیراعظم کیونکہ انڈیاسے بہترتعلقات استوارکرناچاہتے ہیں اس لئے انہوں نے اعلان کیا ہے کہ دوسری صدی قبل مسیح کا یہ تاریخی مجسہ بھارت کے حوالے کیا جائے گا۔

بھارتی وزیراعظم سے گزشتہ سال ستمبر میں سمٹ میں ہونے والی ایک ملاقات میں آسٹریلوی وزیراعظم نے 11ویں صدی سے تعلق رکھنے والے مجسمے ان کے حوالے کئے تھے اور جلد ہی مشہورِ زمانہ کشان بدھا مجسمہ بھی بھارت کے حوالے کردیا جائے گا۔

دونوں ملکوں کے تعلقات بہتر ہورہے ہیں اور انہیں مزید بہتر بنانے کے لئےبھارتی وزیراعظم نریندر مودی نے گزشتہ سال آسٹریلیا کا دورہ بھی کیا۔ 1983 میں راجیو گاندھی کے دورہ آسٹریلیا کے بعد کسی بھارتی وزیرِ اعظم کا یہ آسٹریلیا کا پہلا دورہ تھا۔

Comments

comments

یہ بھی پڑھیں