site
stats
کھیل

آسٹریلیا سے شکست: بھارتی کپتان دھونی کے گھرکی سیکیورٹی سخت

ممبئی: آسٹریلیا سے سیمی فائنل میں شکست کے بعد بھارتی ٹیم کے کپتان مہندرا سنگھ دھونی کے گھر سیکورٹی سخت کردی گئی، بھارتی ٹیم کی شکست پر شائقین کرکٹ نے ٹی وی توڑ دیئے۔

بھارتی ٹیم ورلڈ کپ سے باہر کیا ہوئی، کھلاڑیوں اور انکے اہلخانہ کی حفاظت کیلئے سیکورٹی ادارے سرجوڑ کر بیٹھ گئے،خون کے آنسو رونے والے بھارتی شائقین کا ردعمل بھارت کے مختلف شہروں میں سامنے آنا شروع ہوگیا ہے۔

 شائقین غصے کا اظہار ٹی وی توڑ کر اور کھلاڑیوں کے پوسٹر پھاڑ کر رہے ہیں۔

بھارتی میڈیا کے مطابق کسی ناخوشگوار واقعے کے پیش نظر رانچی میں کپتان دھونی کے گھر پر سیکورٹی سخت کردی گئی اور انتظامات اسپیشل فورس کے سپرد کردیئے گئے ہیں۔

واضح رہے کہ اس سے قبل بھی مہندرا سنگھ دھونی کے گھر پر پتھراﺅ کیا جا چکا ہے جبکہ یووراج سنگھ ، سارو گنگولی بھی بھارتی شائقین کے عتاب کا شکار رہ چکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top