site
stats
عالمی خبریں

آسٹریلیا کے ساحلوں پرشارکس منڈلانے لگیں

سڈنی: آسٹریلیا میں ایک غوطہ خورپرہونے والے شارک حملے کے بعد چارساحل سیاحوں کے لئے بند کردئیے گئے۔

تفصیلات کے مطابق نیو ساؤتھ ویلز پولیس کے مطابق بلینا کے ساحلوں پر شارک کی کثرت کے سبب ساحل کو آئندہ 24 گھنٹے کے لئے بند کردیا گیا ہے۔

واضح رہے کہ ایک پیراک رواں ماہ کے اوائل میں شارک کے حملے میں شدید زخمی ہوگیا تھا جبکہ فروری میں ایک جاپانی سیاح شارک حملے میں ہلاک ہوگیا تھا۔

پولیس کا کہنا ہے کہ اس موسم میں سساحل پر آنے والی بیٹ مچھلیوں کی کثرت کے سبب شارک ساحل کی جانب متوجہ ہورہی ہیں۔ پولیس کی جانب سے جاری کردہ بیان میں مزید کہا گیا ہے کہ اینجلز بیچ پر ایک جسیم شارک محض 50 میٹر کے فاصلے پر دیکھی گئی جبکہ شارک کی ساحل کے نزدیک بکثرت موجودگی کے دیگرشواہد بھی ملے ہیں۔

گزشتہ روز بھی ایک چالیس سالہ غوطہ خور تسمانیہ کےماریہ نامی جزیرے کے قریب شارک حملے میں ہلاک ہوگیا تھا جس کے بعد تسمانیہ کی پولیس نے سمندر میں پٹرولبگ شروع کرکے عوام کے ساحل سے دور رہنے کی ہدایات جاری کردیں تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top