آصف زرداری کا عمران خان اورسراج الحق سے ٹیلی فونک رابطہ -
The news is by your side.

Advertisement

آصف زرداری کا عمران خان اورسراج الحق سے ٹیلی فونک رابطہ

اسلام آباد : سابق صدر آصف زرداری نے تحریک انصاف کے چیرمین عمران خان کو ٹیلی فون کیا جس میں انہوں نے شفاف انتخابات کے لئے تحریک انصاف کی کوششوں کی حمایت کی۔

ترجمان تحریک انصاف کے مطابق سابق صدر آصف زرداری اور چیرمین تحریک انصاف عمران خان کے درمیان 10 منٹ گفتگو ہوئی جس میں ملکی سیاسی صورتحال اور دیگر امور پر تبادلہ خیال کیا گیا۔ ترجمان کا کہنا تھا کہ آصف زرداری نے تحریک انصاف کے عام انتخابات میں دھاندلی پراختیار کئے گئے موقف کو درست قرار دیتے ہوئے شفاف انتخابی عمل کے لئے کی جانے والی کوششوں کو بھی سراہا۔

سابق صدر آصف علی زرداری نے جماعت اسلامی کے امیر سراج الحق کوبھی ٹیلی فون کیا اورملکی صورتحال پربات چیت کی گئی، آزادی مارچ کے بارے میں تبادلہ خیال کے دوران سراج الحق نے سابق صدرکوبتایا کہ جماعت اسلامی نے آزادی مارچ میں شرکت کافیصلہ نہیں کیا اس پرپارٹی میں مشاورت جاری ہے، تاہم حکومت اورتحریک انصاف افہام وتفہیم سے معاملات طے کریں دوسری جانب مسلم لیگ نواز کی طرف سے جماعت اسلامی سے آزادی مارچ کے حوالے سے کردارادا کرنے کی اپیل کی گئی ہے وزیرداخلہ چوہدری نثارعلی خان اورریلوے کے وزیرخواجہ سعد رفیق کی طرف سے بھی جماعت اسلامی کے امیر سے رابطہ کیاگیا ہے اورانھیں آزادی مارچ رکوانے میں کرداراداکرنے کی درخواست کی ہے۔

Comments

comments

یہ بھی پڑھیں