آپریشن ضرب عضب، آئی ڈی پیز کے ڈیٹا کی تصدیق جاری -
The news is by your side.

Advertisement

آپریشن ضرب عضب، آئی ڈی پیز کے ڈیٹا کی تصدیق جاری

فاٹا :شمالی وزیرستان آپریشن کے بعد مختلف شہروں میں جانیوالے آئی ڈی پیز سے ملنے والے فیملی ڈیٹا میں سے نادرا نے پندرہ ہزار نو سو ایک افراد کی تصدیق نہ ہونے پر نام مسترد کردیئے ہیں جبکہ مزید کی تصدیق کا عمل جاری ہے۔

ذرائع کے مطابق وفاق کے زیر انتظام فاٹا ڈویلپمنٹ مینجمنٹ اتھارٹی نے نادرا کو یہ ڈیٹا تصدیق کیلئے بھجوایا تھا اور پندرہ جولائی دو ہزار چودہ تک نادرا کو انتالیس ہزار پانچ سو اکتالیس خاندانوں کے سربراہوں کا ڈیٹا تصدیق کیلئے موصول ہوا۔

جن میں سے تئیس ہزار چھ سو چالیس کی تصدیق ہوگئی ہے جبکہ پندرہ ہزار نو سو ایک افراد کی تصدیق نہ ہونے پر نام مسترد کردیئے گئے ہیں، مسترد افراد کی نادرا ریکارڈ میں مکمل معلومات نہیں۔

تصدیق کے عمل میں مسترد ناموں کے ڈیٹا میں ڈپلیکیشن اور خاندان کیطرف سے تصدیق نہ ہونا شامل ہے جبکہ بعض افراد کے فراہم کردہ کمپیوٹرائزڈ شناختی کارڈز زائد المدت ہیں اور کئی افراد کے دونوں ایڈریس شمالی وزیر ستان کے نہیں۔

Comments

comments

یہ بھی پڑھیں