The news is by your side.

Advertisement

اپنی انڈسٹری اورسینما کوسپورٹ کرنا چاہیے، سلمان اقبال

کراچی: ملکی تاریخ کی پہلی مکمل میڈ اِن پاکستان فلم جلیبی کے حوالے سے کراچی میں میٹ دی پریس پروگرام منعقد کیا گیا۔

رواں سال کی پہلی پاکستانی فلم جلیبی بیس مارچ کو پاکستان سمیت دنیا بھر کے سنیما گھروں میں تہلکہ مچانے کو تیارہیں۔ جیسے اے آر وائی فلمز ریلیرز کرے گا۔جلیبی کی منفرد کہانی اورجاندار کاسٹ فلم کو ایک بلاک بسٹر میں بدلنے کی بھرپور صلاحیت رکھتی ہے۔

میٹ دی پریس پروگرام میں فلم جلیبی کے ڈائریکٹر اور کاسٹ نے اے آر وائی نیٹ ورک کی سرپرستی میں مزید انتہائی معیاری پروڈکشن کیلئے عزم کا اظہارکیا۔

اےآر وائی کی فلم “جلیبی” کےحوالےسےمیٹ دی پریس میں اےآروائی کےصدر اورسی ای اوسلمان اقبال کا کہناتھاکہ فلم میں اداکاروں نے بہترین کام کیا،قوم کو چاہیے کہ وہ فلم انڈسٹری کوسپورٹ کرے۔

سلمان اقبال کا کہناتھا کہ اے آر وائی نیٹ ورک نے ’میڈ ان پاکستان‘کوپروموٹ کرنےکابیڑااٹھارکھاہے۔

صدراورسی ای اواےآروائی نیٹ ورک سلمان اقبال کا مزید کہنا تھا کہ پاکستانی مصنوعات پر فخر ہے،فلم جلیبی اس کی بہترین مثال ہے،اپنی انڈسٹری اور سینماکو سپورٹ کرناچاہئے۔

اے آر وائی نیٹ ورک کے بانی سلمان اقبال نے کہا کہ 2013 میں ہم نے اے آر وائی فلمز کے نام کا یہ پلیٹ فارم پاکستانی فلم انڈسٹری کی بحالی کو پیش نظر رکھتے ہوئے تیار کیا اور تب سے اس سیکٹر میں ہم نے غیر معمولی ترقی دیکھی ہے۔

انہوں نے کہا کہ ہم نے اب تک ایک مختصر لیکنک دلچسپ سفر طے کیا ہے جس کے دوران ہماری بہتر فلموں نے پاکستان اور بیرون ملک لوگوں کے دل جیتے ہیں، ہمیں اس بات پر بہت خوشی ہے کہ  آج بہت سی اچھی پاکستانی فلمیں بڑی اسکرین پر سامنے آرہی ہیں۔

 

فلم جلیبی کے مصنف اور ہدایتکار یاسر جسوال نے کہا ہے کہ  جلیبی پاکستانی فلمی دنیا میں ایک نیا ذائقہ متعارف کرانے کی پُرخلوص کاوش ہے۔

فلم جلیبی کے ایگزیکٹوپروڈیوسرسید مرتضیٰ شاہ نے کہا کہ  جلیبی اپنی نوعیت کی پہلی پاکستانی فلم ہے جو ملکی اور غیر ملکی سطح پر ہمارے ناظرین کی توقعات پر یقیناَ پورا اترے گی۔

 اے آر وائی ڈیجیٹل نیٹ ورک کے چیف ایگزیکٹو آفیسر محمد جرجیس سیجا کا کہناتھا کہ  یہ  فلم ایک ہائی کوالٹی پرڈکشن ہے ۔ جو تمام عالمی معیارات پر پورا اترتی ہے۔  

انہوں نے کہا کہ  یہ فلم خالص پاکستانی فلم ہے جس کی پروڈکشن ، مارکیٹنگ سے لے کر ڈسٹری بیوشن تک ہر مرحلہ پاکستانی کمپنیوں نے سرانجام دیا ہے جو کہ ملکی وسائل اور ٹیلنٹ کا بہترین استعمال ہے۔

 

دوسری جانب بحریہ ٹاون کے سربراہ ملک ریاض نے ٹیلی فون کے زریعے میٹ دی پریس میں شرکت کی،بحریہ ٹاون کے سربراہ نےفلم جلیبی کے10ہزار ٹکٹ خرید لیے، انہوں نے اعلان کیا کہ میڈان پاکستان پروڈکشن کیلئےپرممکن تعاون کااعلان کیا ہے۔

 

چیئرمین بحریہ ٹاؤن ملک ریاض کا کہنا تھا کہ جلیبی جیسی فلمیں بنائیں بحریہ ٹاؤن سپورٹ کرے گا، انہوں نے کہا کہ بحریہ ٹاون ہر اس کام میں ساتھ دے گا جس میں پاکستان کی بہتری ہے۔

 

اے آر وائی فلمز کی کاوش ایکشن ، سسپینس ، اور رومانس سے بھرپور فلم جلیبی کی کہانی دودوستوں کی زندگی کے گرد گھومتی ہے، جو غلطی سے خطرناک گیگسٹر کے چنگل میں پھنس جاتے ہے۔

فلم میں دانش تیمور اور علی سفیہ مرکزی کردار ادا کریں گے۔دیگر فنکار وں میں وقارعلی خان، ژالےسرحدی ، ساجد حسین ، سبیکا امام، عدنان جعفر اور عزیر جسوال شامل ہیں ۔

Print Friendly, PDF & Email

Comments

comments

یہ بھی پڑھیں