site
stats
پنجاب

اکرام لاہوری کی پھانسی تاخیر کا شکار

 

لاہور: شورکوٹ میں جلوس پر فائرنگ کے مجرم اکرام الحق عرف لاہوری کی پھانسی تاخیرکا شکار ہوگئی،جیل انتظامیہ نے فریقین کوطلب کرلیا۔

کالعدم تنظیم سے تعلق رکھنے والے دہشتگرد اکرام الحق عرف لاہوری کو آج صبح لاہور کی کوٹ لکھپت جیل میں تختۂ دار کے حوالے کیا جانا تھا تاہم مقتول کےورثا کی جانب سے رات گئے جیل انتظامیہ کو صلح نامہ جمع کرایا گیا جس کے بعد جیل انتظامیہ نے فریقین کو طلب کرتے ہوئے مجسٹریٹ کے سامنے پیش کیا ہے۔

اکرام الحق عرف لاہوری نےدو ہزارایک میں شورکوٹ میں جلوس پرفائرنگ کی تھی جس کے نتیجے میں ’نیئر عباس‘ نامی شہری جاں بحق ہوگیا تھا۔

انسداد دہشتگردی کی عدالت نے پیرکے روز اکرام الحق عرف لاہوری کے بلیک وارنٹ جاری کرتے ہوئے پھانسی کے احکامات جاری کئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top