ایاز صادق نے الیکشن ٹریبونل میں بیان ریکارڈ کرادیا -
The news is by your side.

Advertisement

ایاز صادق نے الیکشن ٹریبونل میں بیان ریکارڈ کرادیا

لاہور: این اےایک سو بائیس لاہورمیں مبینہ دھاندلی کے معاملے پرایاز صادق نےبیان ریکارڈکرادیا۔ اسپیکرنے ٹریبونل کو بتایاکہ حلقےمیں دھاندلی کا الزام درست نہیں۔ جوکہوں گا، سچ کہوں گا، سچ کےسواکچھ کہوں تو مجھ سے خدا ناراض ہو۔ این اےایک سو بائیس میں مبینہ دھاندلی کے معاملےپر بیان ریکارڈ کرانےسےقبل الیکشن ٹریبونل کے جج کاظم علی ملک نےاسپیکرقومی اسمبلی ایاز صادق سےحلف لیا۔

ایاز صادق نےٹریبونل کوبتایاکہ کوئی ایساکام نہیں کیاجس سےانتخابی عمل کی شفافیت پرانگلی اٹھے، الیکشن شفاف طریقےسےمکمل ہوا۔دھاندلی کےالزامات بےبینادہیں۔

ایاز صادق نے کہاعوام نےبھاری اکثریت سےمینڈیٹ دیا دوبارہ گنتی میں ساڑھے آٹھ ہزار ووٹوں سےکامیابی ملی۔این اےایک سوبائیس کی انتخابی عذر داری پر اسپیکر ایاز صادق نے موقف اختیار کیا ہے کہ عمران خان نے جو الزامات ان پر لگائے ہیںوہ بے بنیاد ہیں۔ بعد ازاں میڈیا سے گفتگگو کرتے ہوئے سردار ایاز صادق نے کہا کہمیرے خلاف ایک سو چھبیس دن ٹرائل کیا گیا ۔اور میں ایسی کوئی بات نہیں کروں گا کہ جس مجھے عمران خان کے سامنےنظریں چرانا پڑیں

 ان کا کہنا تھا کہ اللہ کے حکم سے انشاءاللہ دوہزار اٹھارہ تک ٍاسپیکرکے منصب پر فائز رہوں گا۔ اور اپنی ذمہ داری احسن ظریقے نبھاؤں گا۔انہوں نے کہا کہ این اے ایک سو بائیس سے تین مرتبہ منتخب ہوکر آیا ہوں اور میں اپنے ووٹرز کا شکر گزار ہوں انہیں کبھی مایوس نہیں کروں گا ۔

انہوں نے ایک واقعے کا حوالہ دیتے ہوئے کہا کہ اسکول لائف میں ایک مر تبہ کھیل کے دوران عمران خان نیازی کو میری ہاکی لگ گئی تھی اور معافی تلافی کے بعد آئی گئی ہوگئی لیکن آج پتہ چلا کہ عمران خان نے پچاس سال بعد اس بات کا بدلہ لیا ہے

Comments

comments

یہ بھی پڑھیں