site
stats
پاکستان

ایبٹ آباد میں برفباری، سیاح محصور ہوگئے

ایبٹ آباد : سیاحتی مقامات گلیات نتھیا گلی اور ٹھنڈیانی میں جاری حالیہ برف باری نے جہاں سفید چادر اوڑھ لی وہیں دوسری جانب برف باری کے باعث سیاحوں کی بڑی تعداد سڑکوں کی بندش کے باعث محصور ہو کر رہ گئی ہے۔

گلیات اور ٹھنڈیانی میں اب تک دو سے اڑھائی فٹ تک برف ریکارڈ کی گئی ہے، جس کے باعث شاہراہ مری ، ایبٹ آباد ٹھنڈیانی، بکوٹ اور دیگر علاقوں کو جانے والی رابطہ سڑکیں مکمل طور پر بند ہو گئی ہیں، گلیات میں ہزاروں سیاح محصور ہو کر رہ گے ہیں۔

جبکہ جی ڈی اے ، فرنٹئیر ہائی وے اتھارٹی کی جانب سے سڑکوں سے تاحال برف ہٹانے کا کام شروع نہیں کیا جا سکاجس سے سیاحوں کی مشکلات میں مزید اضافہ ہو گیا ہے۔

سڑکوں کی بندش کے باعث شاہراہ مری پر سینکڑوں گاڑیاں پھنس گئی ہیں، برف باری کے باعث ان علاقوں کے مکینوں کو اشیاء خوردونوش کی ترسیل میں مشکلات کا سامنا ہے،جبکہ ان علاقوں کے ساتھ ایبٹ آباد شہر بھی برفانی ہواؤں کی لپیٹ میں ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top