site
stats
کھیل

ایرانی دوشیزہ کی فٹ بال گول کیپر کو سرِعام شادی کی پیشکش

سڈنی: آسٹریلیا میں  ایرانی دوشیزہ نے فٹ بال میچ کے دوران ٹیم کے گول گیپر کو شادی کی پیش کش کر کے سب کو حیران کر دیا۔

ایران کی قدامت پسند معاشرتی روایات میں مردو زن کا کھلے عام میل جول معیوب سمجھا جاتا ہے مگر یہ سب کچھ اندرون ملک تک محدود ہے ، بیرون ملک ایرانی ان پابندیوں کو زیادہ خاطر میں نہیں لاتے اور ایسا ہی ایک تازہ واقعہ حال ہی میں آسٹریلیا میں کھیلے گئے ایشیا فٹ بال کپ کے آخری میچوں کے دوران اس وقت دیکھا گیا جب سڈنی کے ایک سٹیڈیم میں فٹبال میچ کے دوران تماشائیوں میں شامل ایک ایرانی دوشیزہ نے خود کواپنی ٹیم کے گول کیبرسے شادی کے لیے’پروپوز‘ کیا۔

ایرانی لڑکی گول کیپر سے اس حد تک متاثر دکھائی دی کہ اس نے باقاعدہ ایک بینرپر گول کیپرعلی رضا  سے شادی کی آفر کر دی اور وہ بینر سٹیڈم میں لہرا لہرا کراپنی ’خواہش نا تمام‘ کا اظہار کرتی رہی۔


اس نے اپنے ہاتھ میں پکڑے بینرز پرشادی کی پیشکش پرمبنی یہ جملہ لکھ رکھا تھا کہ”علی رضا  کیا تم مجھ سے شادی کرو گے؟
ایرانی دوشیزہ اور اس کے بینرکی تصاویر سوشل میڈیا پربڑے پیمانے پر مقبول ہوئی ہیں اور ان تصاویر پر بلاگرز نے خوب تبصرے بھی کیے ہیں۔ ایسا پہلی مرتبہ ہوا ہے کہ کسی ایرانی دو شیزہ نے بھرے مجمع میں خود کو کسی کھلاڑی کے لیے پروپوز کیا ہو۔

واضح رہے کہ ایران کے گول کیپر علی رضا خواتین میں بہت مقبول ہیں اور بہت سی خواتین ان کے ساتھ تصاویر بنوانے کی خواہش کا اظہار کر چکی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top