site
stats
بلوچستان

ایرانی صوبے سیستان کے گورنر کا کوئٹہ کا دورہ

کوئٹہ: ایرانی صوبہ سیستان بلوچستان کے گورنر نے کہا ہے کہ پاک ایران سرحد پرشرپسند عناصر موجود ہیں جن کے خلاف وقتاً فوقتاً ایرانی فورسز کارروائی کرتی ہیں۔

کوئٹہ میں وزیراعلیٰ بلوچستان ڈاکٹر عبدالمالک بلوچ اور ایرانی صوبہ سیستان بلوچستان کے گورنر آقائے علی اوسط ہاشمی نے وزیراعلیٰ سیکرٹریٹ میں میڈیا کو بریفنگ دی گورنر سیستان بلوچستان آقائے علی اوسط نے اپنے وفد کے ہمراہ دو روزہ دورہ بلوچستان کی تفصیلات بتاتے ہوئے حالیہ دورے سمیت دیگر ملاقاتوں میں پاکستان اورایران کے درمیان اقتصادی معاشی اورتجارتی معاہدوں کو عملی جامہ پہنانے پر زوردیا۔

پاک ایران سرحد پر موجود شرپسندوں کے حوالے سے ان کا کہنا تھا کہ دونوں جانب کے علاقوں میں ایسے افراد موجود ہیں جو کہ دونوں ممالک کے تعلقات کو اچھی نظر سے نہیں دیکھتے، ایرانی افواج ایسے عناصر کی سرکوبی کے لئے اپنے علاقے میں کاروائی کرتی رہتی ہیں۔

وزیراعلیٰ بلوچستان ڈاکٹر عبدالمالک بلوچ نے پاک ایران سرحدی واقعات کو مل جل کر حل کرنے کی ضرورت پر زور دیتے ہوئے کہا کہ ایران کے ساتھ اقتصادی تعلقات کو بڑھانے چاہتے ہیں۔ خواہش ہے تفتان کے علاوہ گوادر، پنجگور اورتربت کے راستوں پربھی ہمسایہ ملک کے ساتھ قانونی تجارت شروع کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top