site
stats
اہم ترین

ایرانی فورسزکی پاکستانی سرحدی حدود کی پھر خلاف ورزی

اسلام آباد: ایران کی جانب سے ایک مرتبہ پھر سرحدی حدود کی خلاف ورزی کی گئی، بلوچستان کے علاقے ماشکیل میں سیکورٹی چیک پوسٹ کے قریب ایرانی بارڈر فورسز نے پانچ مارٹر گولے داغے۔

سیکورٹی ذرائع کے مطابق ایرانی بارڈر سیکورٹی فورسز کی جانب سے ہفتہ کی صبح پانچ مارٹر گولے داغے گئے، جو پاکستانی حدود میں سیکورٹی فورسز کے چیک پوسٹ کے پاس گرے، واقعہ میں کوئی جانی نقصان نہیں ہوا، جواب میں پاکستانی سیکورٹی فورسز نے بھی مارٹر گولے فائر کئے۔

یاد رہے گزشتہ روز بھی پاک ایران سرحدی علاقے مند میں ایرانی فورسز کی فائرنگ سے ایف سی کا ایک صوبیدار شہید جبکہ تین اہلکار زخمی ہوگئے۔

ترجمان ایف سی کے مطابق ایرانی فورسز نے سرحدی حدود کی خلاف ورزی کرتے ہوئے چھ گھنٹے بلا اشتعال فائرنگ کی، ایرانی فورسز کی  فائرنگ سے ایف سی کی گاڑی مکمل طور تباہ ہوگئی تھی، ترجمان ایف سی کے مطابق ایف سی اہکار چوکاب میں شرپسندوں کا تعاقب کر رہے تھے،

ایران کی سکیورٹی فورسز کی بلا جواز سرحدی خلاف ورزیاں ضلع چاغی میں بھی جاری ہیں۔ آئی جی ایف سی میجرجنرل محمد اعجاز شاہد نے ایرانی سکیورٹی فورسز کی فائرنگ کی شدید مذمت کرتے ہوئے کہا کہ مستقبل میں ایرانی جارحیت کا بھرپور جواب دیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top