site
stats
عالمی خبریں

ایران کی یمن میں سعودی عرب اور اتحادیوں کی کارروائی بلاجواز قرار

تہران :  ایران نے یمن میں حوثی قبائل کے خلاف سعودی عرب اورا تحادیوں کی کارروائی فوری طورپر روکنے کا مطالبہ کیا ہے، ترکی کے صدرطیب اردگان نےاس عزم کا اظہارکیا ہے کہ ایران کو خلیج پرقبضہ نہیں کرنے دیں گے

ایرانی وزیر خارجہ نے پریس کانفرنس سےخطاب میں کہا کہ سعودی عرب کے حملے یمن کی علاقائی خود مختاری کے خلاف ہیں، فوجی حملوں میں محض انسانی جانیں ضائع ہوں گی۔

انکا کہنا تھا کہ یمن میں جاری بحران کا حل مذاکرات سے ممکن ہے۔

انہوں نے کہا کہ ایران نے ہمیشہ مغرب اور علاقائی قوتوں کو خبردار کیا ہے کہ وہ یمن میں کسی قسم کے سازشوں سے باز رہیں اور اسے القاعدہ اور داعش کی طرح ڈیل نہ کریں۔

ایرانی وزارت خارجہ کی ترجمان نے یمن میں فضائی حملوں کو تنقید کا نشانہ بناتے ہوئے کہا کہ یہ فضائی حملے بین الاقوامی قوانین اور یمن کی قومی سلامتی کی خلاف ورزی ہے۔

دوسری جانب ترکی کے صدر رجب طیب اردگان نے یمن میں سعودی کارروائی کی حمایت کا اعلان کیا ہے، ترکی نے ایران اور حوثی قبائل کو پیچھے ہٹنے کا مشورہ دیتے ہوئے خبردارکیا ہے کہ ان کے جارحانہ اقدام سےخطےکی سلامتی کوخطرہ لاحق ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top