ایس ایس پی سی آئی ڈی فاروق اعوان پرحملے کی تحقیقات کا آغاز -
The news is by your side.

Advertisement

ایس ایس پی سی آئی ڈی فاروق اعوان پرحملے کی تحقیقات کا آغاز

کراچی :ایس ایس پی سی آئی ڈی فاروق اعوان پر حملے کی تحقیقات شروع کردی گئی ہیں اور پولیس ملزمان کا سراغ لگانے کی کوشش کررہی ہے تاہم اب تک کوئی خاص کامیابی نہیں ملی ہے۔

گزشتہ رات کراچی کے علاقے گزری میں ایس ایس پی سی آئی ڈی فاروق اعوان کی گاڑی پرحملے کی ذمہ داری کالعدم عسکری تنظیم جنداللہ نے قبول کرلی ہے، پولیس کے مطابق تحقیقات شروع کردی ہیں تاہم کوئی خاص کامیابی نہیں ہوئی ہے۔

پولیس نے جائے وقوعہ سے اہم شواہد اکھٹے کرکے فورنسک ٹیسٹ کے لئے بھجوادیئے ہیں جبکہ سی سی ٹی وی فوٹیج کی مدد سے بھی تحقیقات کی جارہی ہیں۔

پولیس کے مطابق شواہد کی روشنی میں ملزمان تک پہنچنے کے لیے چھاپے مارے جائیں گے، حملے میں دوافراد جاں بحق جبکہ دو پولیس اہلکاروں اورخواتین سمیت سات افراد زخمی ہوئے تھے تاہم فاروق اعوان اس حملے میں محفوظ رہے اورانہیں معمولی خراشیں آئیں تھیں۔

Comments

comments

یہ بھی پڑھیں