The news is by your side.

Advertisement

ایس اینڈ پی نے پاکستان کی کریڈیٹ ریٹنگ آؤٹ لک مثبت کر دی

نیویارک : اسٹینڈرز اینڈ پورز نے پاکستان کی کریڈیٹ ریٹنگ آؤٹ لک مستحکم سے بڑھا کرمثبت کر دی ہے تاہم موڈیز نے پاکستان کے قرضوں کو ضرورت سے زائد قرار دیا ہے۔

بین الااقوامی ریٹنگ ایجنسی ایس اینڈ پی کے مطابق پاکستان کی معاشی حالت مسلسل بہتری کی جانب گامزن ہے، ایس اینڈ پی کے مطابق سال دوہزار پندرہ سے سترہ کے درمیان پاکستان کی معاشی شرح نمو چار اعشاریہ چھ فیصد رہنے کی توقع ہے۔

ایس اینڈ پی کے مطابق حکومتی معاشی پالیساں اور خام تیل کی قیمتوں میں کمی کے باعث معاشی ترقی اور فی کس آمدنی میں اضافہ ہوا ہے۔

ساتھ ساتھ ایس اینڈ پی نےخبردار کیا ہےکہ پاکستانی معیشت کو امن وامان کےحوالے سےاندورنی اور بیرونی خدشات لاحق ہیں۔

دوسری جانب موڈیز کا کہنا ہےکہ پاکستان کے قرضے ضرورت سے زیادہ ہیں مگر ادائیگیوں پر ڈیفالٹ کا خدشہ نہیں ۔موڈیز کے مطابق پاک چین اقتصادی راہداری پاکستانی معیشت کیلئے مثبت ہے

Comments

comments

یہ بھی پڑھیں