اسلام آباد: ایشیائی ترقیاتی بینک نے پاکستان میں توانائی، کمیونیکیشن، اور انفرا اسٹرکچرکے شعبے میں سرمایہ کاری کرنے میں دلچسپی ظاہرکردی۔
تفصیلات کے مطابق وزیرِ خزانہ اسحاق ڈار اور ایشیائی ترقیاتی بینک کےکنٹڑی ڈائریکٹر کے درمیان اتوار کے روز اسلام آباد میں ملاقات ہوئی جس میں بینک کے ڈائریکٹر نے پاکستان میں سرمایہ کاری کی خواہش کا اظہارکیا۔
وزیر خزانہ نے ملاقات کے دوران پاکستان کے لئے مختص فنڈ بڑھانے کی درخواست کی۔
اس موقع پر بینخ کے ڈائریکٹر کا کہنا تھا کہ وہ کمیونیکیشن، انفرا سٹرکچر اور توانائی کے ساتھ تاجکستان، افغانستان، پاکستان اور بھارت کے درمیان گیس پائپ لائن منصوبے منصوبے میں سرمایہ کاری کو یقینی بنائیں گے۔
ان کا کہنا تھا کہ ایشیائی ترقیاتی بینک نے گزشتہ سال بھی پاکستان کو900 ملین امریکی ڈالر فراہم کئے تھے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
