The news is by your side.

Advertisement

ایف آئی اے نے ایگزیکٹ کا پرنٹنگ پریس بھی پکڑلیا، شاہد حیات

کراچی : ڈائریکٹرایف آئی اے شاہد حیات نے کہا ہے کہ ایگزیکٹ کا پرنٹنگ پریس بھی پکڑا گیا ہے جہاں جعلی ڈگریوں کی چھپائی ہوتی تھی۔ ان کا کہنا تھا کہ ایگزیکٹ کیخلاف تفیتش سترہ دن میں مکمل ہوجائیگی۔

تفصیلات کے مطابق ڈائریکٹرایف آئی اے شاہد حیات نے کہا کہ ایگزیکٹ کی جعلی ڈگریوں سےمتعلق کافی مواد مل گیاہے۔

ان خیالات کا اظہار انہوں نے کراچی میں صحافیوں سے گفتگو کرتے ہوئے کیا، ڈائریکٹرایف آئی اے نے بتایا کہ تمام معلومات ادارے کے انٹرنل ای میل کےنیٹ ورک سے ملیں۔

شاہد حیات نے کہا کہ فرانزک ٹیم ایگزیکٹ کے معاملے کی تفتیش کررہی ہے۔ ایف آئی اے کے پاس اتنا دستاویزی ریکارڈ اکٹھا ہوگیا ہے کہ وہ عدالت سے رجوع کرسکیں۔

ڈائریکٹر ایف آئی اے کا کہنا تھا کہ ایگزیکٹ ملازمین سےطریقہ کارسےمتعلق تفتیش کی ہے۔ دفترکرائےپرلئےگئےتھے جن کے مالکان سےبھی رابطہ کیا گیا ہے۔

Comments

comments

یہ بھی پڑھیں