The news is by your side.

Advertisement

ایل پی جی کی قیمت میں 24گھنٹے میں دوسری بار اضافہ

کراچی : ایل پی جی پروڈیوسرز نے حکومت کی رٹ چوبیس گھنٹے میں دوبارہ چیلنج کرتے ہوئے ایل پی جی کی قیمت میں دوسری بار پانچ روپے فی کلو گرام اضافہ کر دیا ہے۔

ایل پی مافیا نے ایک بار پھر اوگرا کے احکامات کو بالائے طاق رکھتے ہوئے ایل پی جی کی قیمت میں چوبیس گھنٹے میں دوسری بار اضافہ کر دیا ہے ، ایل پی جی ڈسٹری بیوٹرز ایسوسی ایشن کے چیئرمین عرفان کھوکھر کے مطابق اوگرا کے نوٹیفیکیشن کے بغیر ہی ایل پی جی پروڈیوسرز نے ایل پی جی کی فی کلو قیمت میں دو دن میں پندرہ روپے کا اضافہ کردیا ہے۔

حالیہ اضافے کے بعد لاہور،گوجرانوالہ،فیصل آباد ،حیدرآباد میں ایل پی جی کی قیمت ایک سو تیس روپے فی کلو اور کراچی میں ایک سو بیس روپے فی کلو ہوگئی ہے جبکہ میرپور،ڈی جی خان، پشاور میں گھریلو سلنڈر کی قیمت پندرہ سوساٹھ روپے ہوگئی ہے اور گھریلو ایل پی جی سلنڈر کی قیمت میں بھی ساٹھ اور کمرشل سیلنڈر میں دو سو چالیس روپے کا اضافہ ہوا ہے۔

Print Friendly, PDF & Email

Comments

comments

یہ بھی پڑھیں