ایم کیوایم خود سب کا میڈیا ٹرائل کرتی ہے، مبشرلقمان -
The news is by your side.

Advertisement

ایم کیوایم خود سب کا میڈیا ٹرائل کرتی ہے، مبشرلقمان

کراچی: سینئراینکرمبشرلقمان کہتےہیں کھراسچ میں دکھائی گئی نائن زیرو کی ویڈیوکی تردید نہیں کی گئی۔

نائن زیرو پر رینجرز چھاپے کی سی سی ٹی وی فوٹیج دکھانے پر ایم کیو ایم سیخ پاہے،متحدہ قومی مومنٹ کے اراکین سندھ اسمبلی نے اے آر وائی نیوز کیخلاف عدالت جانے کی دھمکی دے دی۔

اے آر وائی نیوز کےسینئر اینکر مبشر لقمان کا کہنا تھا کہ ایم کیو ایم کی جانب سے کھراسچ میں دکھائی گئی نائن زیرو کی فوٹیج کی تردید نہیں کی گئی،ایم کیوایم خود سب کامیڈیا ٹرائل کرتی ہے، ہم نےوہ چیزیں دکھائیں جو سب کےسامنے ہیں۔

 مبشر لقمان نے کہا کہ سپریم کورٹ نے کہہ دیاایم کیوایم میں مسلح گروپ موجود ہیں، مبشر لقمان نے سوال اٹھایا کیاقومی اورفوجی اداروں کےخلاف بیان آئین کی خلاف ورزی نہیں ہے ؟ انہوں نے کہا ایم کیوایم عدالت میں آئےہم شواہد کےتحت بات کررہےہیں۔

 اس موقع پر اے آر وائی نیوز کے سینئر اینکر کاشف عباسی کا کہنا تھا کہ ایم کیوایم کیخلاف جو ہورہاہےاس پربات کرنا میڈیا ٹرائل نہیں۔

 اے آر وائی نیوز کے سینئر اینکر کاشف عباسی نے کہا کہ نائن زیرو پر جو کچھ ہوا وہ میڈیا نے نہیں کرایا، عمیر صدیقی کا بیان میڈیا نے نہیں لیا، صولت مرزا کا بیان میڈیا نے نہیں بنایا، جو آیا اسے پیش کرنا اور اس پر بات کرنا میڈیا ٹرائل نہیں ہوتا۔

Comments

comments

یہ بھی پڑھیں