site
stats
اہم ترین

ایم کیوایم قائد الطاف حُسین کا طاہرالقادری سے ٹیلیفونک رابطہ

لندن : متحدہ قومی موومنٹ کے سربراہ الطاف حُسین نے پاکستان عوامی تحریک کے سربراہ طاہرالقادری سے ٹیلی فون پر رابطہ کیا اور سیاسی صورتحال کے حوالے سے تبادلہ خیال کیا۔

الطاف حسین کا کہنا تھا کہ گورنر پنجاب چوہدری سرور اور گورنر سندھ ڈاکٹر عشرت العباد مجھ سے بات چیت کر کے تاحال بھر پور کوشش کررہے ہیں کہ معاملات افہام وتفہیم کے ذریعے حل ہوجائیں۔

الطاف حسین نے ڈاکٹرطاہرالقادری سے بھی اپیل کی کہ انہوں نے جہاں اتنا صبروتحمل سے کام لیا وہاں اور صبروتحمل کا مظاہرہ کریں اورسب ملکر دعا کریں کہ ہم لوگ بات چیت اور افہام وتفہیم کے ذریعے معاملات کوبہتر بنانے کی جوکوشش کررہے ہیں اللہ انہیں کامیاب بنائے۔

لہٰذادونوں طرفین کو جلد بازی میں کوئی فیصلہ کرنے کے بجائے صبروتحمل اورسوچ وبچارکے بعد فیصلہ کرناچاہیے، ڈاکٹرطاہرالقادری نے ان کے موٴقف کی حمایت کرنے پر الطاف حسین کا شکریہ اداکیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top