کراچی : ایم کیو ایم نے گیارہ مارچ کو نائن زیرو پر چھاپے کے دوران تحویل میں لئے جانے والے تمام اسلحے کے لائسنس صوبائی اور وفاقی حکام کے حوالے کردیئے ہیں۔
ترجمان ایم کیوایم کے مطابق رابطہ کمیٹی کے رکن اور رکن قومی اسمبلی فاروق ستار کی جا نب سے تحریری طور پر باقاعدہ ایک فہرست سندھ کے وزیرِاعلیٰ، سکریٹری داخلہ، آئی جی، ڈی جی رینجرز اور دیگر متعلقہ حکام کو بھیجی گئیں ہیں۔
اس فہرست میں نائن زیرو سے تحویل میں لئے جانے والے اسلحے کے ایک سو پانچ لائسنس کی کاپیاں، اسلحےکی نوعیت سمیت لائسنس ہولڈرز کے نام لائسنس نمبردرج کئے گئے ہیں جبکہ اسلحہ لائسنس کی کاپیاں وزیرِاعظم اور وفاقی وزیرِ داخلہ کو بھی فراہم کردی گئیں ہیں۔
