The news is by your side.

Advertisement

ایم کیوایم واپس آجائے،گلے لگانے کو تیارہیں،قائم علی شاہ

 ننگرپارکر: وزیراعلیٰ سندھ سید قائم علی شاہ نے کہا ہے کہ خورشید شاہ نے اپنے بیان پراُسی وقت معافی مانگ لی تھی، ایم کیوایم واپس آجائے توپھر گلے لگانے کوتیارہیں۔

ان خیالت کا اظہاروزیراعلیٰ سندھ قائم علی شاہ نے خشک سالی کے شکارعلاقے ننگرپارکر کے دورے پرمیڈیا سے گفتگو کرتے ہوئے کیا،انہوں نے کہا کہ ایم کیوایم سے بات چیت کے دروازے بند نہیں کئے۔

ان کا کہنا تھا کہ اس سے پہلے بھی ایم کیو ایم چارمرتبہ ان سے روٹھی ہےاور انہوں نے منایا ہے، گزشتہ رات بھی انہوں نے مفاہمت کےلئے گورنرسندھ ڈاکٹر عشرت العباد سے بات کی ہے۔

قائم علی شاہ کا کہنا تھا کہ سیاست میں کوئی بات حتمی نہیں ہوتی تاہم عوام کے حقوق پرکسی قسم کی سودے بازی نہیں کریں گے۔ انہوں نے کہاکہ وہ پیپلز پارٹی کے چیئرمین بلاول بھٹو کی ہدایت پر تھرآئے ہیں، خشک سالی سےمتاثرتھری عوام کےمسائل جلدحل کرلیں گے۔

Print Friendly, PDF & Email

Comments

comments

یہ بھی پڑھیں