The news is by your side.

Advertisement

ایم کیوایم کا سندھ حکومت سے استعفے کا مطالبہ

کراچی: متحدہ قومی موومنٹ کی رابطہ کمیٹی نے حکومتِ سندھ کے وزراء پر بدعنوانی کا عنوان عائد کرتے ہوئے حکومت سےمستعفی ہونے کا مطالبہ کردیا۔

متحدہ قومی موومنٹ کی رابطہ کمیٹی کاکہنا ہےکہ حکومتِ سندھ اوراس کے وزراء کرپشن، بدعنوانی اور اقرباء پروری کی دلدل میں دھنس چکے ہیں۔

سپریم کورٹ اورانسدادِبدعنوانی کا ادارہ نیب بھی سندھ حکومت کی کرپشن کی نشاندہی کرچکے ہیں ان غیر معمولی حالات میں سندھ میں مارشل لاء کا مطالبہ سو فیصد درست ہے۔

عوام کی منتخب اسمبلی کو وزیرِبلدیا ت شرجیل میمن نے اپنی جاگیرسمجھ رکھا ہے اوران کے ایک اشارے پراسمبلی اجلاس ملتوی کردیا جا تا ہے۔

رابطہ کمیٹی نے کہاکہ جس صوبے کی منتخب اسمبلی میں عوام کے منتخب نمائندوں کو عوامی مسائل اجاگرکرنے پر خاموش کرایاجائے اور غیر جمہوری ہتھکنڈے استعمال کئے جائیں تو ایسی اسمبلی کے بجائے پھر مارشل لاء کی بات کرنا حق بجانب ہے۔

رابطہ کمیٹی نے مطالبہ کیا کہ اس صورتحال میں سندھ حکومت کے پاس صرف ایک ہی راستہ باقی رہ جاتا ہے کہ وہ باعزت طریقے سے مستعفی ہونے کااعلان کردے۔

Print Friendly, PDF & Email

Comments

comments

یہ بھی پڑھیں