site
stats
سندھ

ایم کیوایم کو نہیں پتہ کہ صوبے کیسے بنتے ہیں،روبینہ قائم خانی

کراچی: صوبائی وزیر روبینہ قائم خانی نے کہا ہے کہ سندھی مہاجر کہہ کر معاشرے کو ٹکڑوں میں تقسیم کیا جارہا ہے ، خورشید شاہ کے معافی کے باوجود اس معاملے پر سیاست کی جارہی ہے ، اوراس معاملے کو مذہب کی طرف موڑا جارہا ہے ۔

پی پی میڈیا سیل میں میڈیا سے گفتگو کرتے ہوئے روبینہ قائم خانی نے کہا کہ لفظ مہاجر 1947ء کے بعد سے آنے والوں کو مہاجرین کہاجاتا ہے ، لفظ مہاجر مکہ مدینہ کے مہاجروں کیلئے استعمال نہیں ہوتا،

انہوں نے کہا کہ پیپلزپارٹی نے ہمیشہ مفاہمت کی سیاست کو فروغ دیا ہے ، تعصب کی سیاست نہیں کی ،اردو بولنے والوں کی سب سے بڑی کمیونٹی قائم خانیوں کی ہے جو خود کو سندھی کہلانے میں فخر محسوس کرتے ہیں۔

انہوں نے کہا کہ لندن میں بلاول بھٹو کے ساتھ پیش آنے والے واقعے کی شدید مذمت کرتے ہیں ، پیپلزپارٹی کے کارکنان خاموش نہیں بیٹھیں گے ، ہمیں اپنی لیڈر شپ کے دفاع کیلئے جس تک بھی جانا پڑا جائیں گے۔

انہوں نے کہا کہ ایم کیو ایم کو نہیں پتہ کہ صوبے کیسے بنائے جاتے ہیں اورآئینی تقاضوں کو کیسے پورا کرتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top