The news is by your side.

Advertisement

ایم کیوایم کیخلاف 1992 جیسا آپریشن کیا جارہا ہے,الطاف حسین

لندن : متحدہ قومی موومنٹ کے قائد الطاف حسین نے  کہا ہے کہ ایم کیو ایم کو سیاسی تنہائی کا شکار کیا جارہا ہے، جھوٹ اور فریب سے ملک قائم نہیں رہ سکتا۔

ایم کیوایم کے کارکن عمیر صدیقی کے انکشافات پر الطاف حسین کا کہنا تھاکہ عمیر صدیقی کو نائن زیرو سے گرفتار نہیں کیا گیا۔

ان خیالات کا اظہار انہوں نے اے آروائی سے خصوصی گفتگو کرتے ہوئے  کیا، الطاف حسین کا کہنا تھا کہ عمیر صدیقی کو پندرہ فروری کو گرفتار کیا گیا تھا، اس کے بعد سے اس پر بد ترین تشدد کیا جا رہا ہے۔

الطاف حسین کا کہنا تھاکہ ایم کیو ایم کے خلاف انیس سو بانوے جیسا آپریشن شروع کردیا گیا ہے، جھوٹ اور فریب سے ملک اور قوم قائم نہیں رہ سکتے۔

ایم کیوایم کے قائد الطاف حسین کا کہنا تھاکہ ایم کیوایم ظلم کے سامنے سر نہیں جھکائے گی ہر ظلم کا ڈٹ کر مقابلہ کرے گی۔

الطاف حسین نے تمام وکلاء سے کہاکہ وہ انسانی حقوق کی تنظیموں کے نمائندوں کے وفد کے ہمراہ گرفتار شدگان سے ملاقات کریں اور خود مشاہدہ کریں کہ گرفتار شدگان کو کس طرح وحشیانہ تشدد کا نشانہ بنایاجارہا ہے۔

Print Friendly, PDF & Email

Comments

comments

یہ بھی پڑھیں