ایم کیوایم کے رہنماء قمر منصور 90روز کیلئے رینجرز کے حوالے -
The news is by your side.

Advertisement

ایم کیوایم کے رہنماء قمر منصور 90روز کیلئے رینجرز کے حوالے

کراچی : نائن زیرو سے گرفتار ایم کیوایم کے رہنماء قمر منصور کو نوے روز کیلئے رینجرز کے حوالے کردیا گیا۔

تفصیلات کے مطابق نائن زیرو سے گرفتار ایم کیوایم کے رہنماء قمر منصور سمیت دو ملزمان کو انسدادِ دہشت گردی کی عدالت میں پیش کیا گیا، رابطہ کمیٹی ممبر نے عدالت میں بتایا کہ انکو ریڑھ کی ہڈی میں تکلیف ہے اور علاج نہ ہونے کی صورت میں انکا ایک ہاتھ کام نہیں کرتا ، جس پر رینجرز نے علاج جاری رکھنے کی یقین دہانی کرادی۔

اس سے قبل نائن زیرو سے حراست میں لیے گئے ایم کیو ایم کے رہنماء قمر منصور کو جوڈیشل مجسٹریٹ سینٹرل کی عدالت نے راہ داری ریمانڈ پر رینجرز کی تحویل میں دے دیا تھا، عید کی تعطیلات کے بعد انسداد دہشتگردی کی عدالت میں پیش کیا جائے گا۔

ایم کیو ایم کے رہنما قمر منصور کو رینجرز نے جوڈیشل مجسٹریٹ سینٹرل کے سامنے پیش کیا گیا تھا، عدالت نے قمر منصور کو رینجر کی تحویل میں عید کی تعطیلات تک دے دیا۔ عدالت نے قمر منصور کو راہ داری ریمانڈ کے تحت رینجرز کی تحویل میں دیا ہے۔

یاد رہے کہ ایم کیو ایم کے رہنما قمر منصور کو رینجرز نے 16 اور 17 کی درمیانی شب کو نائن زیرو پر چھاپہ مار کر گرفتار کیا تھا۔

Comments

comments

یہ بھی پڑھیں