کراچی: ایم کیو ایم کے یونٹ انچارج سہیل احمد کی نمازِ جنازہ ادا کردی گئی تدفین سوسائٹی قبرستان میں کی جائے گی۔
تفصیلات کے مطابق گزشتہ روز سوسائٹی سیکٹر کے یونٹ انچارچ سہیل احمد کی نعش موچکو سے ملی تھی انہیں 15دسمبرکو سادہ کپڑوں میں ملبوس افراد اغوا کرکے لے گئے تھے۔
ان کی نماز جنازہ طارق روڈ پرواقع رحمانیہ مسجد میں ادا کی گئی جس میں ایم کیو ایم رابطہ کمیٹی کے اراکین، قومی و صوبائی اسمبلی کے ممبران اورکارکنوں نے کثیرتعداد میں شرکت کی، انہیں سوسائٹی قبرستان میں ہی سپردِ خاک کیا جائے گا۔
سہیل احمد کے ماورائے عدالت قتل کے سوگ میں آج کراچی سمیت سندھ کے بیشتر شہروں میں ہڑتال رہی۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
