The news is by your side.

Advertisement

ایم کیوا یم کا اے آروائی نیوز کا بائیکاٹ ختم کرنے اعلان

کراچی: ایم کیو ایم کی رابطہ کمیٹی نے اے آر وائی کا بائیکاٹ ختم کرنے کا اعلان کرتے ہوئے آج ہونے والے تمام مظاہرے منسوخ کردیئے ہیں۔

ایم کیو ایم کے قائد الطاف حسین نے کہا ہے کہ وہ کسی بھی اینکر پرسن یا ٹی وی چینل سے ذاتی اختلاف نہیں رکھتے ، اینکر پرسنز آداب صحافت کا خیال رکھتے ہوئے شائستہ الفاظ کا استعمال کریں، الطاف حسین کی ہدایت پر رات دیر گئے تک ایم کیوایم کی رابطہ کمیٹی کا مشترکہ اجلاس جاری رہا۔

جس کے بعد رابطہ کمیٹی کے سینئر ڈپٹی کنوینر ندیم نصرت نے رابطہ کمیٹی کے متفقہ فیصلے کے مطابق اے آر وائی کے بائیکاٹ کا فیصلہ واپس لینے کا اعلان کیا ہے۔

الطاف حسین کی توثیق کے بعد رابطہ کمیٹی نے پاکستان بھر کے پریس کلبوں کے سامنے ہونے والے احتجاجی مظاہروں کی منسوخی کا بھی اعلان کیا ہے ۔

الطاف حسین نے کہا ہے کہ وہ کسی بھی اینکر پرسن یاٹی وی چینل سے ذاتی اختلاف نہیں رکھتے اورساتھ ساتھ اینکر پرسنز سے بھی دردمندانہ درخواست کرتے ہیں کہ وہ اپنے پروگراموں میں آداب صحافت کا خیال رکھتے ہوئے شائستہ الفاظ کا استعمال کریں، کسی بھی جماعت یا رہنماء کی کردار کشی نہ کریں، غیر جانبدارانہ رپورٹنگ کریں اور غیر جانبدارنہ حمایت یا تنقید کا عمل صحافتی اصولوں کے مطابق کریں۔

Print Friendly, PDF & Email

Comments

comments

یہ بھی پڑھیں