The news is by your side.

Advertisement

ایم کیو ایم آج میڈیا ٹرائل کیخلاف احتجاجی مظاہرہ کرے گی

کراچی : متحدہ قومی موومنٹ کے زیراہتمام آج مورخہ26، مارچ 2015ء بروز جمعرات دوپہر دو بجے فوارہ چوک پر ایم کیوایم کے میڈیا ٹرائل کے خلاف زبردست پرامن احتجاجی مظاہرہ کیا جائے گا ۔

احتجاجی مظاہرے میں ایم کیوایم کی رابطہ کمیٹی ، حق پرست سینیٹرز ، ارکان قومی و صوبائی اسمبلی ، شہر بھر کے ذمہ داران، کارکنان ، ہمدرد اور مختلف شعبہ ہائے زندگی سے تعلق رکھنے والے افراد شرکت کریں گے ۔

دریں اثناء متحدہ قومی موومنٹ کی رابطہ کمیٹی نے ذمہ داران و کارکنان سے اپیل ہے کہ وہ فوارہ چوک پر احتجاجی مظاہرے میں زیادہ سے زیادہ تعداد میں شرکت کریں اور پابندی وقت کا خیال رکھیں ۔

واضح رہے کہ ایم کیو ایم کے حق پرست اراکین قومی و صوبائی اسمبلی نے بھی گزشتہ روز پارلیمنٹ ہاؤس اسلام آباد اور کراچی میں میڈیا ٹرائل کیخلاف احتجاجی مظاہرہ کیا تھا۔

Print Friendly, PDF & Email

Comments

comments

یہ بھی پڑھیں