ایم کیو ایم رہنماؤں کا برطانوی وزیرِاعظم کو خط -
The news is by your side.

Advertisement

ایم کیو ایم رہنماؤں کا برطانوی وزیرِاعظم کو خط

کراچی : ایم کیو ایم رابطہ کمیٹی، حق پرست سینیٹرز اور ارکان قومی و صوبائی اسمبلی نے برطانیہ کے وزیرِاعظم و حکام کو خط لکھ  کر الطاف حسین اور دیگر رہنماؤں کودی جانیوالی قتل کی دھمکیوں پر گہری تشویش کا اظہار کیا ہے۔

اپنے علیحدہ علیحدہ خطوط میں انہوں نے کہا ہے کہ ایم کیو ایم ایک لبرل اور روشن خیال جماعت ہے، جو شروع دن سے مذہبی انتہا پسندی اور دہشت گردی کے خلاف ہے،الطاف حسین نے ہمیشہ ہرفورم پرمذہبی انتہا پسندی اور طالبانائزیشن کے خلاف آواز بلند کی ہے۔

انھوں نے کہا کہ ان لبرل اور روشن خیال نظریات کی وجہ سے انتہا پسندعناصر ہمیشہ سے الطاف حسین اور ایم کیوایم کی قیادت کے خلاف رہے ہیں اور انہیں نقصان پہنچانے کے درپے رہے ہیں۔

حالیہ دنوں میں ایک بار پھر الطاف حسین اور دیگر رہنماوٴں کو طالبان کی جانب سے کھلی دھمکیاں موصول ہوئی ہیں، جن سے ایم کیوایم کے لاکھوں کارکنوں سمیت دنیا بھر میں موجود الطاف حسین کے چاہنے والوں میں سخت تشویش پائی جاتی ہے۔

Comments

comments

یہ بھی پڑھیں