ایم کیو ایم سے ڈیڈ لاک نہیں بات چیت بڑھ رہی ہے، شرجیل میمن -
The news is by your side.

Advertisement

ایم کیو ایم سے ڈیڈ لاک نہیں بات چیت بڑھ رہی ہے، شرجیل میمن

کراچی : صوبائی وزیراطلاعات و بلدیات سندھ شرجیل انعام میمن نے کہا ہے کہ ایم کیو ایم سے ڈیڈ لاک نہیں بات چیت آگے بڑھ رہی ہے۔

ان خیالات کا اظہار انہوں نے شجر کاری مہم کے تحت نارتھ ناظم آباد فتح باغ میں پودا لگانے کے بعد میڈیا سے گفتگو کرتے ہوئے کیا۔

انہوں نے کہا کہ پہلے فیز میں سندھ میں چھ لاکھ اور کراچی میں ایک لاکھ دس ہزار پودے لگائے جائیں گے،سندھ میں ٹی ایم اے اور کراچی میں کے ایم سی ،ڈی ایم سی سمیت اخراجات فنڈ اور رسیدوں سمیت تمام تر ڈاکو مینٹیشن ہیں وہ ویب سائٹ میں ڈالی جائے گی۔

ایک ہفتے میں ویب سائٹ تیار ہوجائے گی گھوسٹ ملازمین کا چیپٹر بند ہوگیا ہے،بائیو میٹرک سسٹم کے تحت ملازمین کی حاضری کو یقینی بنایا جائے گا۔

سندھ حکومت میں شمولیت کی ایم کیو ایم کو دعوت دی ہوئی ہے،سینیٹ انتخابات کے بعد صورتحال واضح ہوجائے گی۔

انہوں نے کہا کہ لوکل گورنمنٹ صدر سمیت کئی سرکاری دفاتر بھی نالے پر بنے ہوئے ہیں،فٹ پاتھ پر لگے تمام بل بورڈز ہٹا رہے ہیں۔

کراچی کو صاف ستھرا رکھنے کیلئے ہر ایک کو کراچی کو اون کرنا ہوگا،اس موقع پر صوبائی وزیر ٹیکنالوجی مکیش کمار چاولہ اور کے ایم سی کے افسران بھی ان کے ہمراہ موجودتھے۔

Comments

comments

یہ بھی پڑھیں