The news is by your side.

Advertisement

ایم کیو ایم نے سندھ اسمبلی کا اجلاس بلانے کیلئے ریکوزیشن جمع کرادی

کراچی : متحدہ قومی موومنٹ نے سندھ اسمبلی کا اجلاس بلانے کیلئے ریکوزیشن جمع کرادی ہے، ایم کیو ایم کے پارلیمانی لیڈر خواجہ اظہارالحسن کا کہنا ہے کہ سندھ حکومت اسمبلی فلور پر آکر امن و امان کی صورتحال پر ایم کیوایم کو جواب دے۔

ریکوزیشن رکن صوبائی اسمبلی سید سردار احمد نے جمع کرائی، اس حوالے سے سندھ اسمبلی میں ایم کیو ایم کے پارلیمانی لیڈر خواجہ اظہار الحسن کا کہنا تھا کہ شہر میں امن وامان کی صورتحال بدترین ہے، صوبائی حکومت کیجانب سےامن وامان کےدعوؤں کی قلعی کھل گئی ہے۔

انکا کہنا تھا کہ اورنگی ٹاؤن بم حملے میں ایم کیوایم کے ایک کارکن شہید اور تین ایم پی اے زخمی ہوئے، انہوں نے کہا کہ اسی حکومت میں ہمارے تین ایم پی ایز شہید ہوچکے ہیں۔

خواجہ اظہارالحسن نے کہا کہ اورنگی ٹاؤن میں ہمارے ایم پی ایز پر پھر حملہ کیا گیا، روزانہ موٹرسائیکلیں اور موبائل فون چھینے جا رہے ہیں، جسکی وجہ سےسندھ کےعوام میں مایوسی اور بےچینی پائی جاتی ہے۔ خواجہ اظہار الحسن کا کہنا تھا کہ حکومت رینجرز اورپولیس کو مدد اور حمایت فراہم نہیں کر رہی ہے۔ ہلاکتیں تھر میں ہوں یا کراچی میں ذمہ داری سندھ حکومت کی ہے۔

Print Friendly, PDF & Email

Comments

comments

یہ بھی پڑھیں