کراچی : این اے دو سو چھیالیس میں پاکستان تحریک ا نصاف کے امیدوارعمران اسمٰعیل نے کہا ہے کہ ایم کیو ایم نے گھوسٹ پولنگ اسٹیشن بنائے ہوئے ہیں، جس کے ثبوت وہ الیکشن کمیشن کو دیں گے۔
ان خیالات کا اظہار انہوں نے پی ٹی آئی کی ریلی کے موقع پر صحافیوں سے گفتگو کرتے ہوئے کیا۔
قومی اسمبلی کے حلقہ دو سو چھیالیس میں انتخابی گہما گہمی عروج پر پہنچ گئی، تحریکِ انصاف کی ریلی میں کارکنان کا جوش و جذبہ قابل دید تھا۔
عمران اسمٰعیل نے کہا کہ تحریک انصاف ضمنی معرکہ جیت گئی ہے، عزیز آباد اب ایم کیوایم کا نہیں رہا۔ ان کا کہنا تھا کہ پری پول دھاندلی ہورہی ہے، ایم کیو ایم نے گھوسٹ پولنگ اسٹیشن بنائے ہوئے ہیں ۔
عمران اسماعیل نے کہا کہ کراچی میں خوف کی فضاء کا خاتمہ ہورہا ہے۔ان کا کہنا تھا کہ کراچی کوایم کیوایم کےقبضےسےآزادکرائیں گے۔
انہوں نے اس عزم کا اظہار کیا کہ پی ٹی آئی مذکورہ الیکشن جیت کر علاقے سے پانی،بجلی اور گیس کےمسائل حل کرےگی۔
